Follow by Email

2016, സെപ്റ്റംബർ 4, ഞായറാഴ്‌ച

നായജീവിതം



ഇപ്പോൾ...
അച്ഛനൊരു വളർത്തുനായയാണ്...
വീടിന്റെ ഉമ്മറത്ത് ചടഞ്ഞു കൂടുന്നു..

ചിലപ്പോൾ..
കോടതി വ്യവഹാരങ്ങളുടെ മുഷിഞ്ഞ
കടലാസുമായി വക്കീലാഫീസിന്റെ
തിണ്ണ നിരങ്ങുന്ന തെരുവുപട്ടിയാവും..

പണ്ട്..
ഒരു സ്വർണക്കൂട്ടിൽ
അൽസേഷ്യൻ ആയി
 ജീവിച്ചിരുന്നതാണ്

എപ്പോഴോ ഒരിക്കൽ..
നാട്ടിലെ പെൺപട്ടികളുടെ
അഭയകേന്ദ്രമായിരുന്നു എന്നും
പറഞ്ഞു കേട്ടിട്ടുണ്ട്...
കന്നിമാസം എന്നൊന്നും
 ഇല്ലായിരുന്നുവത്രെ!!!

നാളെ..
ഒരു പുഴുത്ത പട്ടിയായി
എറിഞ്ഞു കൊല്ലേണ്ടി വരുമായിരിക്കും..

എങ്കിലും...
പണ്ട് , അച്ഛന്റെ സ്വന്തമായ
സ്വർണകൂടും, രാജപദവിയും
ഞങ്ങൾക്ക് കിട്ടുമെന്ന
ആശ്വാസമൊന്നു മാത്രമാണ്
ഇപ്പോഴും വിരിക്കുന്ന എച്ചിലില...




അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ