Follow by Email

2016, ജൂലൈ 23, ശനിയാഴ്‌ച

ദുരഭിമാനം

എന്റെ ഇടയന്,

 നീ മേയിച്ച ആടുകളിൽ
കൂട്ടം തെറ്റി പോയ ഒരു
പാവം പെണ്ണാടാണ് ഞാൻ

വെയിലു ചാഞ്ഞ
 മലയോരങ്ങളിൽ..
മഴക്കാറു കറുത്ത
വാനത്തിന് താഴേ...
നേർത്ത മഞ്ഞു
വീണ സന്ധ്യകളിൽ..
അങ്ങിനെ പല പല
 ദിനാന്ത്യമടക്ക യാത്രകളിൽ..
നീ തേടി പിടിച്ച പെണ്ണാട്...

എന്റെ ഇടയൻ ദൈവമേ,
നിന്റെ ആണാടുകളിൽ
കൂട്ടം തെറ്റി മലകേറി പോയ
മുട്ടനാടുകളിൽ ഒന്ന് പോലും
അറവുകത്തിയിൽ കയറിയിട്ടില്ല
കുഞ്ഞാടുകളും അങ്ങിനെ തന്നെ
അപ്പോൾ എവിടെയാണ് വൈരുദ്ധ്യം?


ചില കുഞ്ഞാടുകളുടെ
നട്ടെലൂരി നിങ്ങൾ സൂപ്പുണ്ടാക്കി
എന്നൊരു കഥ
അങ്ങാടിയിൽ പാടി കേൾക്കുന്നുണ്ട്
എന്നത് സൗകര്യപൂർവം ഇവൾ മറക്കുന്നു

മലയോരങ്ങളിൽ, പച്ചപ്പിൽ, നീർത്തടങ്ങളിൽ, പുല്മേട്ടിൽ
തുള്ളികുതിക്കാൻ കൊതി ഇല്ലാഞ്ഞിട്ടല്ല
നട്ടെല്ല് വളയാഞ്ഞിട്ടാണെന്നു
മാത്രമിപ്പോൾ പറയുന്നു...
അറവുകത്തിയിൽ കയറിയാലും
അടിയറ വെക്കാത്ത നെറികെട്ട
ദുരഭിമാനം എന്ന് കാർക്കിച്ചു തുപ്പുക...


അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ