Follow by Email

2016, ജൂൺ 22, ബുധനാഴ്‌ച

പാളങ്ങൾ

ഒരിക്കലും
കൂടി ചേരാനിടയില്ലാത്ത
രണ്ടു പാളങ്ങളിൽ 
ഒരു സ്പർശനത്താൽ
മാത്രം കെട്ടപ്പെട്ട് 
എങ്ങോട്ടോക്കോ പായുന്ന
തീവണ്ടിയാവുന്നു ഞാൻ!..

യാത്രക്കിടയിൽ ഇടക്കിടെ
നിർത്തി ഇടുന്ന ചില
റയിൽവേ സ്റ്റേഷനുകൾ..
കണ്ടു മറക്കുന്ന യാത്രക്കാർ..
പരിചിതരായ കച്ചവടക്കാർ..
നിരാലംബരായ യാചകർ ..

എന്റെ യാത്രയിലെ 
എന്റെ വിശ്രമകേന്ദ്രങ്ങൾ
ചില ഒറ്റപ്പെട്ട സ്റ്റേഷനുകൾ!

ഞാൻ കടന്നു പോയ
പാടവരമ്പുകൾ
ഗുൽമോഹർ കാടുകൾ
എരിഞ്ഞ പകലുകൾ
വിരസ രാത്രികൾ...

പാളം തെറ്റാതിരുന്നാൽ
മാത്രം എത്തിച്ചേരാനിടയുള്ള
ലക്ഷ്യസ്ഥാനത്തിൽ 
എന്താവാം കാത്തിരിക്കുക?


അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ