Follow by Email

2016, മേയ് 7, ശനിയാഴ്‌ച

വർണ്ണങ്ങൾ വിവേചിക്കുമ്പോൾ

 വർണ്ണം നോക്കി വേർതിരിച്ചെടുത്ത
വാർത്തകൾ പൊടിപ്പും തൊങ്ങലും
ചേർത്ത് രുചിയോടെ  രാവിലെ വിളമ്പുമ്പോൾ വെളളം തൊടാതെ
വിഴുങ്ങുന്ന ഊളകൾ നിറഞ്ഞ
സുന്ദര സാക്ഷര കേരളം

സൂര്യനെല്ലി ഒരു സ്ഥലമല്ലാതായതും
പീഡനത്തിൽ ഗുരുവായത്
  സ്വന്തം നേതാവെന്നും  
ലിസ്റ്റിൽ പേരു വരുമോ 
എന്നോർത്തു നിദ്രാഹീനരായതു
സ്വന്തം നേതൃ നിരയെന്നും മറന്നു
വലതു കൈ ഇടതു വശത്തേക്കു
ചൂണ്ടുമ്പോൾ

കിളിരൂരും കവിയൂരും സ്ഥലങ്ങൾ
മാത്രമാണെന്ന പോൽ മറവി രോഗി
നീണ്ടു വന്ന വലതുകൈ  അരിവാളിൽ
അരിഞ്ഞെടുക്കുന്നു....

ഈ സമയം ജീൻസ് അഴിച്ച് സംസ്ക്കാരം
ഉടുപ്പിക്കുകയായിരുന്നു
മറ്റു ചില വഴികാട്ടികൾ...

ജിഷ ഒരു ദളിതയാണ്
ദളിതയാണ്
ദളിതയാണ്
തിരഞ്ഞെടുപ്പാണ്
പെരുമ്പാവൂരാണ്
 ഇപ്പോഴെല്ലാരുമുണ്ട്
തമ്മിൽ തമ്മിൽ  വിരൽ ചൂണ്ടുന്നുണ്ട്
ആക്രോശിക്കുന്നുണ്ട്...

കേരളത്തിൽ ഇനിയും സ്ഥലങ്ങൾ ഉണ്ട്
ദളിതരുണ്ട്
പെൺകുട്ടികളുണ്ട്...
 സുരക്ഷിതത്വം ????

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ