Follow by Email

2016, മേയ് 12, വ്യാഴാഴ്‌ച

ഉടനുടൻ ലഭിക്കുന്ന നീതികൾ

ചാമിയെ പോലെ ലക്ഷണമൊത്ത
ഒരു പാണ്ടിയെ അന്വേഷിച്ചു..
കണ്ടെത്തിയില്ല ....

മലയാളികൾ  മാന്യമഹാജനങ്ങൾ...
മറ്റു സംസ്ഥാനക്കാരനെ തപ്പി;
കിട്ടിയില്ല

എല്ലാ പ്രായപൂർത്തിയായ
 പുരുഷന്റെയും
 വിരലടയാള ശേഖരണ മഹാമഹം
നടത്തി
കണ്ടെത്തിയില്ല...

പ്രായം പൂർത്തിയാകുന്നത് എങ്ങനെ
എന്നൊരു ഒന്നൊന്നര ചോദ്യം
തൊണ്ടയിൽ കുടുങ്ങി
ശ്വാസം മുട്ടിക്കുന്നുണ്ട്...

അമ്മയും ചേച്ചിയും പിഴയാണെന്നു
പറഞ്ഞപ്പോഴാണ് നീതി തേടിയ
 സദാചാരമൂല്യങ്ങൾ ഉള്ളവർ
പിന്മാറിയത്....

അപ്പോഴാണ്   ഒളിക്യാമറയിൽ
ഒരു പരോപകാരി കുടുങ്ങിയത്
കീബോർഡ് വിപ്ലവ കാരികൾ
അദ്ദേഹത്തിന്റെ ചൂഷണങ്ങളെ
 ഓർത്ത് അമ്പരന്നിരുന്നപ്പോൾ...

അപ്പോഴാണ്...
കേരളമെന്ന സൊമാലിയയിലേക്ക്
ഒരു വഴികാട്ടി കടന്നു വന്നത്....

അതോടെ ജിഷയ്ക്കും കിട്ടി
" നീതി"

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ