Follow by Email

2016, ജനുവരി 29, വെള്ളിയാഴ്‌ച

പ്രണയം... അത് ഭ്രാന്തല്ലാതെ മറ്റൊന്നുമല്ല

നിന്റെ ചുംബനങ്ങൾ പതിയാതെ 
വരണ്ടു ഉണങ്ങുന്ന എന്റെ ചുണ്ടുകൾ 
എന്നോ യാത്ര പറഞ്ഞ നിമിഷങ്ങളിൽ 
എവിടെയോ നിശ്ചലമായ മനസ്സ് 

മുറിയിലെ മടുപ്പിക്കുന്ന ഏകാന്തതയിൽ 
നീ ഉപേക്ഷിച്ചു പോയ, എനിക്ക് പ്രിയപ്പെട്ട 
നിന്റെ ഗന്ധം വാരിപുണർന്നു, കറങ്ങി 
തിരിഞ്ഞൊരു കാറ്റു എന്നിലേക്ക്‌ തന്നെ 
മടങ്ങി വരുന്നു...........

നിന്റെ ശബ്ദത്തിന്റെ, ഊഷ്മാവിന്റെ 
ഗന്ധത്തിന്റെ, ശ്വാസത്തിന്റെ, 
ഒക്കെയും മാപിനിയായി മാത്രം 
മാറി പോയ  എന്റെ ഇന്ദ്രിയങ്ങൾ....

പ്രണയം... 
അത് ഭ്രാന്തല്ലാതെ 
മറ്റൊന്നുമല്ല



അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ