Follow by Email

2016, ജനുവരി 19, ചൊവ്വാഴ്ച

ഗദ്സെമനയിലെ എന്റെ മാലാഖ



സ്നേഹത്തിന്റെ മുൾമുനയിൽ കുത്തിയെടുത്തു
 മുപ്പതാം  തവണയും ക്രൂശിലേറ്റിയിട്ട്
അവൾ ഗദ്സേമനയിലേക്ക് പോയി
എന്റെ മാലാഖ...
അവളുടെ മഞ്ഞിന്റെ നിറമുള്ള നീണ്ട ഉടുപ്പ്
നീണ്ടു വളര്ന്ന മുടി...
തുടുത്ത മുഖം..
പനിനീർ ചുണ്ടുകൾ

എന്റെ കുരിശു ഞാൻ തന്നെയാണ്
കുന്നിലേക്ക് ചുമക്കുന്നത്...
അപ്പോഴെല്ലാം അവളുടെ ചാട്ടവാറുകൾ
മുറ തെറ്റാതെ മുതുകിൽ ആഞ്ഞു കൊള്ളാറുണ്ട്‌ ...
എനിക്ക് വേദനിക്കുംപോളും ചിരിക്കാൻ ഞാൻ മറക്കാറില്ല
കാരണം സ്നേഹം ഒരു തെറ്റല്ലെന്നും ഞാൻ പാപിയല്ലെന്നും
വിശ്വസിക്കുന്നവർ ഉണ്ടെന്നെനിക്ക്‌ നല്ല ഉറപ്പാണ്‌

കഴിഞ്ഞ 29 തവണയും ക്രൂശിക്കപ്പെട്ടതിലും വേദന
എന്തുകൊണ്ടോ ഇത്തവണ ഏറിയിരുന്നു..
എന്റെ കുരിശിന് എന്നെ താങ്ങാനും
എനിക്കെന്റെ കുരിശിനെ കാൽവരി വരെ താങ്ങാനും
കഴിയുന്നിടത്തോളം എന്റെ ഉയിര്തെഴുന്നെല്പ്
വളരെ വിദൂരമല്ല...

നിന്റെ ചാട്ടവാറുകൾ വീണ്ടും തയ്യാറാക്കുക
ഇനിയും നിനക്ക് ക്രൂശിൽ തറക്കാനായി മാത്രം
മൂന്നാം നാളിൽ ഞാൻ ഉയിര്ത്തെഴുന്നേറ്റു
നിന്റെ വാതിൽക്കൽ മുട്ടിവിളിക്കും

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ