Follow by Email

2016, ജനുവരി 7, വ്യാഴാഴ്‌ച

ഘടികാരങ്ങൾ

എൻറെ  സ്വീകരണമുറി നിറയെ  ഘടികാരങ്ങളാണ്
പല നിറത്തിൽ , രൂപത്തിൽ , ആകാരത്തിൽ 
പക്ഷെ, അതില് ഭൂരിഭാഗവും നിലച്ചു പോയവയും
എന്നോ ഒരു നിമിഷത്തിൽ  പെട്ടെന്ന് നിലച്ചു പോയവ

ഒരുകാലത്ത് ഘടികാരങ്ങൾ വാങ്ങി കൂട്ടുമായിരുന്നു
പിന്നെടെപ്പോഴോ നല്ലൊരെണ്ണം കിട്ടിയപ്പോൾ
മറ്റുള്ളവയെല്ലാം ആവശ്യമില്ലെന്നു തോന്നി തുടങ്ങി
തെറ്റായ സമയം കാണിച്ചു തുടങ്ങുമ്പോൾ ശെരിയാക്കിയാലും
വീണ്ടും വീണ്ടും പണിമുടക്കുന്ന ചില ഘടികാരങ്ങൾ

പണി മുടക്കുന്ന ഘടികാരങ്ങൾ കാരണം സമയനഷ്ടവും
തെറ്റായ സമയം ആണെന്നുള്ളതറിയാതെ  വൈകി പോകുന്നതും
കാരണമാവണം ഞാൻ കേടായി പോയവയെ നന്നാക്കാൻ ശ്രമിച്ചില്ല
അല്ലെങ്കിൽ തന്നെ അവയെല്ലാം വീണ്ടും പഴയപടി
പണിമുടക്കില്ലെന്നു എന്താണ് ഉറപ്പ്?

ഘടികാരങ്ങൾ പണി മുടക്കുമ്പോൾ ഉപേക്ഷിക്കുന്നത്
തന്നെയാണ് നല്ലത്.. സമയം വിലപ്പെട്ടതാണല്ലോ 

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ