Follow by Email

2015, ഡിസംബർ 10, വ്യാഴാഴ്‌ച

എൻറെ ഇന്ത്യ...

തെരുവോരത്തെ, ജീവിക്കാൻ അർഹതയില്ലാത്ത
പട്ടിണിക്കാരെ, ഒറ്റരാത്രികൊണ്ട്;
വീണ്ടു മൊരു പ്രഭാതത്തിനോട് പൊരുതാൻ
ഇടയാക്കാത്ത വിധം...
മനുഷ്യസ്നേഹവും സഹാനുഭൂതിയുമുള്ള;
മിന്നിത്തിളങ്ങുന്ന താരങ്ങളും ലാൻഡ്‌ ക്രൂയിസറുകളുമുള്ള ;
ജനാധിപത്യം എന്ന് കേട്ടാൽ ചോര തിളയ്ക്കുന്ന;
പാവപ്പെട്ടവനും പണക്കാരനും ഒരേ  നീതി നടപ്പാക്കുന്ന;
പെണ്ണിനും പശുവിനും ഒരേ വിലയുള്ള;
ദളിതനും ആര്യനും വർണ്ണവിവേചനങ്ങൾ ഒന്നുമില്ലാത്ത;
എൻറെ ഇന്ത്യയാണിത്...

കോടികളുടെ കടങ്ങൾ എഴുതി തള്ളിയാലും
ഒരു കൃഷിക്കാരൻ പോലും ലോണ്‍ അടക്കാതിരിക്കരുതെന്നു
എഴുതപ്പെട്ട നിയമവ്യവസ്ഥയുള്ള എന്റെരാജ്യമാണിത്‌.....
എന്റെ ഇന്ത്യ....

ജനങ്ങളാൽതിരഞ്ഞെടുക്കപ്പെട്ട ജനകീയമായ ഇന്ത്യ ..
ബീഫ് തിന്നുന്നവനെ കൊന്നു തിന്നുന്നവന്റെ ഇന്ത്യ ...
ദളിതൻ തന്നേ തീയിട്ടും, കെട്ടിതൂങ്ങിയും, മരിച്ചു കൊണ്ടിരിക്കുന്ന ;
 പെണ്ണിനു  ചരക്കെന്നും; പശുവിനു  മാതാവെന്നും ;
വിളിപ്പേരുളള,
കാലങ്ങളുടെ പാരമ്പര്യവും സംസ്കാരവും..
സ്വന്തമായി ദൈവങ്ങൾ വരെയുള്ള...
 എൻറെ ഇന്ത്യ...

ഇന്ത്യ എന്റെ രാജ്യമാണ്
അതിൽ ഞാൻ അഭിമാനം കൊള്ളുന്നു...
ഒന്നല്ല ഒരായിരം വട്ടം..

6 അഭിപ്രായങ്ങൾ: