Follow by Email

2015, ഡിസംബർ 15, ചൊവ്വാഴ്ച

എൻറെ പ്രണയം എൻറെ ഏട്ടിലെ പശുവാണ്

എൻറെ  പ്രണയം എൻറെ ഏട്ടിലെ പശുവാണ്
അത്രയേറെ നിർമലവും പവിത്രവുമാണ്
പ്രണയവിസർജ്യങ്ങൾ പോലും ഞാൻ ഭവ്യതയോടെ
വാരിയെടുത്ത് മനസിന്റെ മണിമുറ്റത്ത്‌ തളിച്ചു വെക്കുന്നു
വെള്ളത്തിൽ കലക്കി ശുദ്ധികലശം നടത്തുന്നു

എൻറെ പശു എനിക്ക് പ്രണയത്തിന്റെ പാൽ ചുരത്തുന്നു
രാവിലേയും വൈകുന്നേരവും ഞാനത് മുത്തി കുടിച്ചു
ആരോഗ്യദൃഡഗാത്രനായി പരിലസിക്കുന്നു
വിരസമായ ഉച്ചമയക്കങ്ങളിൽ അവളുടെ  താളാത്മക
സംഗീതം കേട്ടുണരുന്ന ഞാൻ അവളുമായി സവാരിക്കിറങ്ങുന്നു
വെയിലു ചായുന്ന മലമടക്കുകളിൽ അവൾ മേയുന്നത് കണ്ടു
രസിച്ചിരുന്നു ഞാനെന്റെ പ്രണയത്തിന്റെ മനോഹാരിത നുണയുന്നു

കറവ മുറ്റി തുടങ്ങിയപ്പോൾ എൻറെ പശു alias എൻറെ പ്രണയം
എനിക്ക് മടുത്തു തുടങ്ങുന്നു;
അറവുകാരന് കൊടുക്കാൻ പറ്റാത്തതിനാൽ
 അവളെ തീറ്റി പോറ്റി മുടിഞ്ഞ ഞാൻ
വിഷം കൊടുത്തു കൊന്നു, പകരം നല്ല കറവയുള്ള
മറ്റൊരെണ്ണത്തെ വാങ്ങി
എന്റെ പ്രണയം ചാക്രികമായി തുടരുന്നു
അതെ.....
എന്റെ പ്രണയം എന്റെ ഏട്ടിലെ പശുവാണ്
അത്രയേറെ നിർമലവും പവിത്രവുമാണ്

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ