Follow by Email

2015, നവംബർ 19, വ്യാഴാഴ്‌ച

സാത്താന്റെ ചുംബനം



ചുംബനം കണ്ടു പിടിച്ചതേ ഞാനാണെന്ന്
ലോകത്തിനോടു  വിളിച്ചു പറയാനായിരുന്നു
എന്റെ ആ യാത്ര...
ഇപ്പോൾ എല്ലാ "സ്നേഹചുംബനങ്ങളും"
എന്റെ പേരിലാണ് അറിയപ്പെടുന്നത്
എന്നതോർത്തു ഞാൻ വല്ലാതെ ഉത്തേജിതനാവുകയാണ്

സ്ത്രീ സമത്വം, സ്ത്രീ വിമോചനം എന്നിവയെല്ലാം
സമൂഹത്തിൽ എൻറെ "സങ്കൽപ്പകിനാചേരി" പോലെ
കെട്ടിപൊക്കി കൊണ്ട് വന്നതായിരുന്നു
പുരോഗമനവിരോധികളായ കരിങ്കാലികൾ
തച്ചുടച്ച എൻറെ "കൊച്ചുസുന്ദര"
രമണീയമായ കിനാചേരി...

സ്ത്രീവിമോചനം എങ്ങനൊക്കെ ആവാമെന്ന്
ഞാനും, എന്റെ സഹ"ധർമ്മിണിയും" പല
വട്ടം കാട്ടി കൊടുത്തിട്ടും മനസിലാവാത്ത കുറെ
"സ്ത്രീ സമത്വക്കാർ"... എല്ലാവളുടെയും മനസ്സിൽ
അടിമത്തമാണ്‌; എത്ര വിമോചനം പറഞ്ഞാലും
ഇവളൊന്നും ഒരു "തുറന്ന" സംസാരത്തിനോ
"വിപ്ലവത്തിനോ" തയ്യാറാവില്ല.. കച്ചറകൾ

വിമോചനം മറ്റെല്ലാ വിപ്ലവങ്ങളും പോലെ
കുഞ്ഞുങ്ങളിൽ, "കൊച്ചുസുന്ദരികളിൽ" നിന്ന് തന്നെ
തുടങ്ങണം; അത് പറഞ്ഞാൽ ആര് മനസിലാക്കാനാണ്?
ഞാൻ പറയുന്ന വിപ്ലവം... എന്റെ ചുംബനം പോലെ
ആർക്കും മനസ്സിലാവില്ല....അതിന് പുരോഗമനം വേണം

എന്റെ ചുംബനം...
സാത്താന്റെ ചുംബനം.....
 വിഡ്ഢിവേഷം കെട്ടിയ എല്ലാവർക്കും..
എന്നെ സ്നേഹിച്ചതിന്, വിശ്വസിച്ചതിന്
കൂടെ നിന്നതിന്; അപഹാസ്യരായതിന്;
എല്ലാത്തിനും...
 എൻറെ വക...
എൻറെ വക
ഒടുക്കത്തെ ചുംബനം....

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ