Follow by Email

2015, ഒക്‌ടോബർ 31, ശനിയാഴ്‌ച

ആകാശവും ഭൂമിയും


ഞാൻ ആകാശവും നീ ഭൂമിയുമാവുന്നു
പ്രണയത്തിന്റെ വെള്ളമേഘക്കെട്ടുകൾ
ഞാൻ നിനക്കായി അയച്ചു തരുന്നു..
എന്നോടുള്ള തീവ്രാനുരാഗത്താൽ
നീയവയെ ഗാഡമായി പുണരുന്നു
നിൻറെ സ്നേഹത്താൽ നീലിച്ചുപോയ
എൻറെ മേഘങ്ങൾ നിനക്കു മേൽ
മഴയായി പെയ്തിറങ്ങുന്നു
നീയതിൽ ആവോളം നനയുന്നു
മഴയിൽ നിന്നും പ്രളയമായി മാറി
ജീവശ്വാസത്തിന് കൊതിച്ചു
 മുങ്ങിമരിക്കുമ്പോഴും
നീയെന്നെ പ്രണയിച്ചു കൊണ്ടേ ഇരിക്കുന്നു
വീണ്ടും പുണരാൻ കൊതിച്ചു..
വീണ്ടും മഴയിൽ നനയാൻ കൊതിച്ചു..
ഋതുക്കളിലും, സംവത്സരങ്ങളിലും,
യുഗങ്ങളിലും നാമിതു തുടരുന്നു
ഒരിക്കലും ഒന്നു ചേരാതെ......
ഒരിക്കലും മടുക്കാതെ....
ഒരിക്കലും പിരിയാതെ...

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ