Follow by Email

2015, ഒക്‌ടോബർ 13, ചൊവ്വാഴ്ച

പ്രണയം-അത് അപൂർവമായി മാത്രം സംഭവിക്കുന്നു

പ്രണയമെന്നത് നിൻറെ കയ്യെത്തും ദൂരത്തു
ഞാൻ എന്നും ഉണ്ടാവുന്നതോ, എന്നോട്
നിനക്കുള്ള തീവ്രമായ ആരാധനയുടെ
പലവിധ പ്രകടനങ്ങളോ ആകുന്നില്ല

പ്രണയമെന്നത് പരസ്പരം മടുക്കാതിരിക്കലാണ്
എത്ര പറഞ്ഞാലും തീരാത്ത കഥകളുടെ
പങ്കുവെക്കലാണ്; എൻറെ സങ്കടങ്ങളെ നീയും
നിൻറെ സങ്കടങ്ങളെ ഞാനും സ്വന്തമാക്കുന്നതാണ്

എൻറെ ഭാവങ്ങളും  വേഷങ്ങളും നിൻറെ മുന്നിൽ
ഊർന്നു വീണു; എൻറെ പൂർണനഗ്നതയിൽ നീ
അലിഞ്ഞു ചേരുന്നതാണ്; പ്രണയമെന്നത്
 നീ പറയുന്ന, എഴുതി കൂട്ടുന്ന പൊയ് വാക്കുകളല്ല,

എന്നെ നീയറിയുന്നതും, നിന്നെ ഞാനറിയുന്നതും
മറ്റാരെക്കാളും, നിന്നിൽ ഞാൻ ജീവിക്കുന്നതുമാവുന്നു
ജീവനുള്ള ഓരോ നിമിഷവും എനിക്കൊപ്പം
നീയും, ഉണരുകയും ഉറങ്ങുകയും ചെയ്യുകയാണ്

പ്രണയം-
നേരമ്പോക്കുകൾ, അർഥശൂന്യമായ വാക്കുകൾ
പാഴായ വാഗ്ദാനങ്ങൾ, പൊള്ളയായ പ്രകടനങ്ങൾ
അടക്കിപിടിക്കലുകൾ, പ്രതികാരം
അർത്ഥം വളരെ മാറിപോയിരിക്കുന്നു

പ്രണയം-അത് അപൂർവമായി മാത്രം സംഭവിക്കുന്നു

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ