Follow by Email

2015, ഒക്‌ടോബർ 12, തിങ്കളാഴ്‌ച

സുനന്ദയുടെ ആങ്ങള



സുനന്ദയ്ക്ക്‌  "ഒരിക്കൽ  ഒരു ആങ്ങള" ഉണ്ടായിരുന്നു.  സ്ത്രീക്ക് സംരക്ഷണം വേണ്ടത് അത്യാവശ്യം ആണെന്ന് അവൾ  വിശ്വസിച്ചിരുന്ന കാലമായിരുന്നു അത്.  സഹോദരനാവാൻ ഒരമ്മയ്ക്ക് ജനിക്കണമെന്നില്ലെന്നും മറ്റുമുള്ള വികാരപൂർണ്ണമായ ഡയലോഗ് അടിച്ചു സന്തോഷപൂർണമായ ജീവിതം നയിച്ചിരുന്ന കാലം.  ആങ്ങളയുടെ പ്രണയത്തിനു കൂട്ടുനില്ക്കുകയും , അവൻറെ താല്പര്യങ്ങൾക്ക് പിന്തുണ നൽകുകയും ചെയ്തു സുനന്ദ നല്ല പെങ്ങളായി ജീവിച്ചു പോന്നു.  സുനന്ദയോടു  മൃദുവികാരങ്ങൾ ഉള്ള എല്ലാ ആണ്‍കുട്ടികളെയും അടിച്ചമർത്തി അവളുടെ  വീരനായ ആങ്ങള അവളെയും  സംരക്ഷിച്ചു പോന്നു.  സുനന്ദയുടെ  വിവാഹശേഷവും അവർ  പഴയത് പോലെ തന്നെയായിരുന്നു.  ആങ്ങളയുടെ വിവാഹാനന്തരവും അതിൽ വലിയ മാറ്റം ഒന്നും വന്നിരുന്നില്ല.  

അങ്ങനിരിക്കെ, ഒരിക്കൽ അവൾക്കു കുറച്ചു പണത്തിന്റെ അത്യാവശ്യം വന്നു.  അവൾക്കു അത് ആരോടും പറയാനും താൽപര്യമില്ലായിരുന്നു.  അപ്പോൾ അവളുടെ മനസ്സിൽ ആദ്യം വന്നത് പുന്നാര  ആങ്ങളയുടെ  മുഖമായിരുന്നു.  അവൾ അവനെ വിളിച്ചു ചോദിച്ചു.  ഞാൻ എവിടുന്നെങ്കിലും മറിക്കാൻ നോക്കാം.  നീ വിഷമിക്കേണ്ട എന്ന ആശ്വാസപൂർണമായ മറുപടിയിൽ സന്തുഷ്ടയായ സുനന്ദ കാത്തിരുന്നു.  മറ്റാരോടും കാശു  ചോദിക്കാനും മിനക്കെട്ടില്ല.  ദിവസങ്ങൾ ഓടി പോയി.  അവളുടെ ആവശ്യത്തിനു പണം അടക്കേണ്ട ദിവസം അടുത്ത് വന്നിട്ടും ആങ്ങള അനങ്ങുന്നില്ല.  അവൾ പൊന്നാങ്ങളയെ വീണ്ടും വിളിച്ചു.  അപ്പോൾ ആങ്ങളയുടെ ഫോണ്‍ കൂട്ടുകാരന്റെ കയ്യിൽ.  സ്ഥലത്തില്ലെന്ന് മറുപടി.  വരുമ്പോൾ പറയാമെന്ന ആശ്വാസവാക്ക്.  ആങ്ങള വന്നില്ല.  എന്നിട്ടും ആങ്ങളയിലുള്ള വിശ്വാസം തെല്ലും കുറഞ്ഞില്ല.  പതിവ് പോലെ പണം  ഭർത്താവ് തന്നെ അടച്ചു അവളെ സ്വസ്ഥമാക്കി.

കുറെ നാളുകൾക്കു ശേഷം അന്ന് മുങ്ങിയ ആങ്ങള പിന്നെയും പൊങ്ങി.  വീണ്ടും ആങ്ങളയും പെങ്ങളും അടുത്തു.  അങ്ങനിരിക്കെ, സുനന്ദക്കു വിദേശത്ത് ഉപരിപOനത്തിന് പോകാനുള്ള അവസരം ലഭിച്ചു.  അവൾ അതും ആങ്ങളയോടായിരുന്നു ആദ്യം പറഞ്ഞത്.   അവനും സന്തോഷമായി കാണും എന്നവൾ വിശ്വസിച്ചു.  പതിവ് പോലെ കുറെ ഉപദേശങ്ങൾ കിട്ടി.  എല്ലാം ശിരസ്സാവഹിച്ചു അവൾ പറന്നു.  വീണ്ടും അവൾ അവനെ വിളിക്കും സംസാരിക്കും.  പക്ഷെ, അവൻ പലപ്പോഴും ഒഴിഞ്ഞു മാറുന്നതായി ശ്രദ്ധയിൽ പെട്ടു.  അതോടൊപ്പം മറ്റു പല സുഹൃത്തുക്കളും അവളിൽ നിന്ന് അകലുന്നതും ശ്രദ്ധിച്ചു.  ഒരിടക്ക് അവരുടെ സംസാരത്തിനിടയിൽ ആങ്ങള പെങ്ങളോട് അവനും വിദേശത്തു അവസരം ലഭിച്ചതും അവൻ രാജ്യസ്നേഹം മൂലം അത് നിഷേധിച്ചതും പറഞ്ഞു.   അത് തെറ്റായി പോയെന്നു നിഷ്കളങ്കമായ മറുപടിയായിരുന്നു അവൾ പറഞ്ഞത്. പിന്നൊരിക്കൽ, പണ്ടത്തെ കാമുകിയെ തൻറെ അസംഖ്യം ആരാധികമാരിൽ ഒരാളായി ഭാര്യയോട്‌ ചിത്രീകരിച്ച ആങ്ങളയുടെ സത്യസന്ധത ഇല്ലായ്മയും സുനന്ദയിൽ സംശയങ്ങൾ ഉളവാക്കി.   

അങ്ങനെ അങ്ങനെ, തൻറെ നിയന്ത്രണരേഖക്ക് പുറത്തു പോകുന്ന പെങ്ങളോട് ആങ്ങളയ്ക്ക് താൽപര്യം ഇല്ലാതായി.    പെങ്ങൾ ആകട്ടെ, കേരളമല്ല ലോകം എന്നും, ആങ്ങള ഇല്ലാതെ ജീവിക്കാൻ കൂടുതൽ എളുപ്പമാണെന്നും തിരിച്ചറിഞ്ഞു അവളുടെ  ഇഷ്ടങ്ങളിലും താല്പര്യങ്ങളിലും ഒതുങ്ങി കൂടി ആരുമായും ഒരു അടുപ്പവും വെയ്ക്കാൻ നില്ക്കാതെ സ്വസ്ഥമായും സന്തോഷമായും ജീവിച്ചു പോന്നു.  കഥ ഇവിടെ തീരുമ്പോൾ നമ്മൾ ചിന്തിക്കേണ്ട ഒരു കാര്യം ഉണ്ട് സുഹൃത്തുക്കളേ.  അത് വേറൊന്നുമല്ല.  

"ഒരു പെങ്ങൾക്ക്, ആങ്ങള ഒരു അവശ്യസമ്പത്താണോ?"

(വെറുതെ, വേറൊന്നും എഴുതാൻ ഇല്ലാത്ത കൊണ്ടാണ്.  അല്ലാതെ, ആങ്ങളമാരോട് ദേഷ്യം ഉണ്ടായിട്ടല്ല.)

2 അഭിപ്രായങ്ങൾ:

  1. നല്ല ആങ്ങളയെ കിട്ടുന്നത് ഒരു പുണ്യമാണ്. അങ്ങനെയുള്ള ആങ്ങളയും ഉണ്ട്, എനിക്ക് വേണ്ടി മരിക്കാന്‍ വരെ തയ്യാറായ എന്റെ ഏട്ടന്‍.

    മറുപടിഇല്ലാതാക്കൂ
  2. Aangalamarodu deshyamonnum ella kuttee. Athum paranjittundu. Ethu sunandakku orikkal oru angala undaryirunnathine pattiyulla oru kathaya. Pinnae protection venamennillatha chilarkku chila angalamarude protection athra resichennu varilla. Sunanda angane aayirikkanam chilappol

    മറുപടിഇല്ലാതാക്കൂ