Follow by Email

2015, ഓഗസ്റ്റ് 26, ബുധനാഴ്‌ച

ഓണമാണ്..

ഓണ൦ ..
പണ്ടെന്നോ വാക്ക് പാലിക്കാൻ
ബലിയാകേണ്ടി വന്ന ഒരു അവർണ്ണ രാജാവ്...
മരണസമയത്ത്  ഇരന്നു വാങ്ങിയ വരം;

അമ്മയോട് പലവട്ടം ചോദിച്ചതാണ്
ഇതിലെന്തു നീതിയെന്ന്?
ദേവന്മാർ ചെയ്യുന്നതെല്ലാം നീതിയത്രേ...
അന്യൻറെ മുതൽ, ഭാര്യ, അധികാരം
എല്ലാം കൈവശപ്പെടുത്തുന്നതിൽ എന്ത് നീതി?
ദൈവകോപം വരുത്തരുതെന്നു താക്കീത്..
എന്നിലെ അശാന്തയായ സംശയാലു നിശബ്ദയാവുന്നു 

ഓണമാണ് ...
മാവേലി വന്നാലും ഇല്ലെങ്കിലും ഓണമാണ്..
ബിവറേജസിൽ, തുണിക്കടയിൽ, പലചരക്കു കടയിൽ
ചന്തയിൽ, പച്ചക്കറികടയിൽ, എല്ലായിടത്തും ഓണമാണ്
കേരളീയരാവാൻ, ഗൃഹാതുരരാവാൻ, ഓണമാണ്

ഓണമാണ്..
അനീതിയിൽ മണ്ണടിഞ്ഞ കറുത്തവന്റെ ഓർമ്മക്കായി
അവനെ എന്നും ചവിട്ടി താഴ്ത്തി മാത്രം ശീലിച്ച
വെളുത്തവനെ വാഴ്ത്തിപ്പാടി പഴകിയ 
ഒരു ജനതയുടെ, നഷ്ടപ്രതാപങ്ങളുടെ, നെടുവീർപ്പുകളുടെ
പഴമയുടെ മഹത്വത്തിന്റെ സാക്ഷ്യം

അതേ....
ഓണമാണ്... പല രൂപത്തിൽ ... പല ഭാവത്തിൽ....

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ