Follow by Email

2015, ഏപ്രിൽ 28, ചൊവ്വാഴ്ച

ഞാൻ


ചില വാക്കുകൾ അങ്ങിനെയാണ് 
ചവറ്റുകുട്ടയിലെ എഴുതി മുഴുമിക്കാത്ത കവിത പോലെ..
വ്യക്തിപരമോ വൈകാരികമോ ആയ എന്തോ ഒന്ന്  അവയെ 
പൂർണമാക്കാൻ  അനുവദിക്കാതെ വലിച്ചെറിയും 

നിൻറെ ചില്ലുകൊട്ടാരത്തിലെ രാജകുമാരിയല്ല ഞാനെന്നു 
ഒന്നല്ല ഒരായിരം വട്ടം ആണയിട്ടു പറഞ്ഞിട്ടുള്ളതാണ് 
എൻറെ വാക്കുകൾ ഏതൊരുവളെയും പോലെ മാത്രം 
നിന്റെ വജ്രം പോലെ കഠിനമായ വിശ്വാസങ്ങളിൽ 
തട്ടി എത്രയോ തവണ അവ തകർന്നു പോയിരിക്കുന്നു 

എന്നിട്ടും വീണ്ടും വീണ്ടും എന്തിനാണിങ്ങനെ?
എൻറെ ഒറ്റയടിപാതയിലെ എനിക്കു മാത്രം 
വ്യക്തമാവുന്ന വഴിയിൽ ഞാൻ പോവുന്നത് 
എനിക്കു മാത്രം അറിയാവുന്ന, മനസിലാവുന്ന
ദൂരങ്ങളിലേക്കാണ്; ഇനിയും അങ്ങിനെയായിരിക്കും 

നിൻറെ സമന്തരപാതയിൽ തന്നെയാണ് ഞാനിപ്പോളും
നമ്മളിൽ ആരും തന്നെ ഒരു കുറുക്കുവഴി സൃഷ്ടിക്കാൻ 
ബോധപൂർവം ശ്രമിക്കാത്തിടത്തോളം നിനക്ക് ഞാനോ 
എനിക്ക് നീയോ പരപ്സ്പരം പൂരകമാവുന്നില്ല...........
അല്ലെങ്കിൽ  ഞാൻ ഒരു  സത്യം മാത്രമാണിപ്പോൾ.............

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ