Follow by Email

2015, ഏപ്രിൽ 19, ഞായറാഴ്‌ച

ആകാശം കാണാത്ത കിളികൾ



പെയ്തു തോർന്ന മഴ....
മൃതപ്രായയായ കുഞ്ഞികിളി....

വേദനയുടെ ഞരക്കത്തിൽ, പാതി ജീവൻ
ശേഷിക്കുന്ന ഉടലിൽ ഇനി ഒരു അങ്കത്തിനു
ബാല്യമുണ്ടോ എന്നൊരു  ചെന്നായ...
ഒരിക്കലും തീരാത്ത ആർത്തി...
ഉയിരിലെ അവസാന ശ്വാസം നിലക്കാനായി
 കാത്തിരിക്കുന്ന കഴുകന്മാർ..

 നാളെ എല്ലാവരും കരയും
ഇന്നു ചിരിച്ചവർ, കാത്തിരിക്കുന്നവർ ...
ഒരു കൂട്ടനിലവിളി കേൾക്കാം...

അപ്പോഴും   മരകൊമ്പിൽ സുരക്ഷിതയായിരുന്നു
ഏതെങ്കിലും ഒരു പഞ്ചവർണകിളി
നിർത്താതെ ചിലക്കുന്നുണ്ടാവാം
മരിച്ചു മണ്ണടിഞ്ഞ കുഞ്ഞിക്കിളിയുടെ
 സ്വഭാവവൈകൃതങ്ങൾ, നടപ്പുദോഷങ്ങൾ
എല്ലാം ശരി  വെച്ച് ഒരായിരം  കിളികൾ
വാലാട്ടിയേക്കാം...

 ഇടതൂർന്ന തൂവലുകളുടെ സുരക്ഷിതത്വമില്ലായ്മ...
 കൂടണയാൻ വൈകിയതിലുള്ള പരിഭവം...
അതുമല്ലെങ്കിൽ ആണ്‍കിളിയുടെ കൊഞ്ചൽ????
എല്ലാ കിളികൾക്കും സ്വന്തമായി ഒരു ആകാശം ഉണ്ടത്രേ!!!
ആവോ...എന്നിട്ടെന്തേ കുഞ്ഞിക്കിളികൾക്ക്  മാത്രം?









അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ