Follow by Email

2015, ഏപ്രിൽ 3, വെള്ളിയാഴ്‌ച

പുരോഹിതന്റെ മരണം



പൗരോഹിത്യത്തിന്റെ  ആദ്യത്തെ നാളുകളിൽ കുമ്പസാരകൂട്ടിലെത്തിയ വേശ്യ
മനസിലൊരു കരടായിരുന്നു
അവളുടെ കുമ്പസാരരഹസ്യങ്ങൾ ഉള്ളിനെ ചുട്ടു പൊള്ളിക്കുമായിരുന്നു
പിന്നീട് കുന്നുംപുറത്തെ മറിയാമ്മ, വടക്കേതലക്കലെ എൽസി
ലക്ഷം വീട് കോളനിയിലെ അൽഫോൻസ
അങ്ങനെ മനസിന്റെ അസ്വാരസ്യങ്ങൾ പല പേരുകളിൽ

തിരുവസ്ത്രങ്ങളുടെ  വിശുദ്ധി ചോദ്യം ചെയ്യപ്പെട്ട നിമിഷത്തിൽ
മനസിലെ കുമ്പസാരക്കൂട്ടിൽ കണ്ണീരോടെ നിന്നത്
സിസ്റ്റർ പട്രീഷ്യ ആയിരുന്നു
പള്ളിപറമ്പിലെ പൊട്ടകിണർ വൃത്തിയാക്കിയ  പൌലോച്ചൻ
കുഞ്ഞു തലയോട്ടിയുടെ കഥ പറഞ്ഞതിന്റെ
അടുത്ത ദിവസമായിരുന്നു സിസ്റ്റർ പട്രീഷ്യ തൂങ്ങി മരിച്ചത്

വീണ്ടും മനസ്സിൽ തലപൊക്കി തുടങ്ങിയ അസ്വസ്ഥതകളിൽ നിന്ന്
രക്ഷനേടാനായിരുന്നു  കുമ്പസാരക്കൂടുകൾ പള്ളികളിൽ
വേണ്ടെന്നു വെക്കണമെന്ന ആശയം പൊതുയോഗത്തിൽ
സെബാസ്റ്റ്യൻ അച്ചൻ മുന്നോട്ടു വെച്ചത്
അതിനു  തിരുസഭയിൽ നിന്ന് അച്ചടക്ക നടപടി ഉണ്ടായതിന്റെ
അടുത്ത ആഴ്ചയാണ് നാട്ടിലെ അറിയപ്പെടുന്ന സാമൂഹ്യപ്രവർത്തക
അച്ചനു സമ്മാനങ്ങളുമായി വരുന്നത്

എല്ലാത്തിനും ഒടുവിലാണ് സ്വമനസാൽ പൌരോഹിത്യം സ്വീകരിച്ച
 ഫാദർ സെബാസ്റ്റ്യൻ തിരുവസ്ത്രം ഉപേക്ഷിച്ചു
വിപ്ലവകാരിയാവാൻ തീരുമാനിക്കുന്നത്‌






അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ